ណែនាំ ៨​ រឿងក្នុងទិវាសិទ្ធីនារី ៨ មីនានេះ

••• ក្នុងថ្ងៃដ៏ពិសេស ខួបលើកទី ១០៩ ទិវាសិទ្ធិនារីអន្តរជាតិ ៨មីនា អេដមីន អ្នកកុននិយម សូមនាំអារម្មណ៍ទាំងអស់គ្នា មកស្គាល់នូវភាពយន្តល្បីៗដែលនិយាយពី​ភាពមហិមានៃមនុស្សស្រី ហើយក៏ជាការត្រៀមខ្លួនដើម្បីទស្សនាភាពយន្តមនុស្សស្រីល្បីៗខាងមុខនេះ មិនថា Wonder Woman 1984, Black Widow និង Mulan ជាដើម

តោះកុំឲ្យខាតពេល ចូលមើលខាងក្រោមរូបដើម្បីអាននិងមើលទាំងអស់គ្នាថាមានរឿងអ្វីខ្លះដែលមនុស្សស្រីមានឥទ្ធិពលខ្លាំងក្លា

ENOUGH
2002
សម្តែងដោយ Jennifer Lopez

ក្នុងជីវិតគូដ៏បរាជ័យ Slim បានសម្រេចចិត្តនាំកូន រត់ចេញពីប្តីព្រៃផ្សៃ ដែលតែងប្រើអំពើហឹង្សាមកលើខ្លួន តែទោះខំរត់ទៅដល់ទីណា ក៏ប្តីចិត្តមារតាមទៅរកឃើញ។ អ្វីដែលនាងត្រូវធ្វើគឺរៀបចំគម្រោងតតាំង ដើម្បីសេរីភាពខ្លួនឯងនិងកូនជាទីស្រឡាញ់។

WONDER WOMAN
2017
សម្តែងដោយ Gal Gadot

ពីនារីតូចដែលស្ថិតក្នុងនគរអាថ៌កំបាំង Diana ស្រាប់តែចាប់អារម្មណ៍ថា តាមពិតអ្វីដែលខ្លួនចង់បានគឺ ការចេញទៅបើកភ្នែកមើលលោកខាងក្រៅ។ ក្នុងពិភពនៃមនុស្សសមញ្ញ Diana ត្រូវប្រឈមមុខនឹងភាពព្រៃផ្សៃនៃមនុស្ស រហូតឈានទៅដល់ការផ្ទុះឡើងនៃសង្គ្រាមលោក។

THE IRON LADY
2011
សម្តែងដោយ Meryl Streep

សាច់រឿងនិយាយជីវិតនៃប្រធានាធិបតីស្រីដំបូងបង្អស់របស់អង់គ្លេសឈ្មោះ Margaret Thatcher ដែលត្រូវឆ្លងកាត់ពេលវេលានៃមរណភាពនៃស្វាមី និងបន្ទុកដូចទូលភ្នំនៃការដឹកនាំប្រទេស

IRON JAWED ANGELS
2004
សម្តែងដោយ Alice Paul

ជាភាពយន្តនិយាយពីការទាមទារសិទ្ធិសេរីភាពបញ្ចេញមតិ សម្លេង និងការឈរឈ្មោះបោះឆ្នោត បើទោះត្រូវប្រឈមនឹង ការធ្វើទារុណកម្ម និងការស្លាប់ ពីសង្គមដែលមានមនុស្សប្រុសជាធំក៏ដោយ។

SALT
2010
សម្តែងដោយ Angelina Jolie

ភ្នាក់ងារ CIA ស្រីម្នាក់ ត្រូវបានគេចាប់ដាក់គុក ដោយបានគេចោទប្រកាន់ថាជាភ្នាក់ងារគិញសម្ងាត់នៃពួករុស្សី។ អ្វីដែលនាងត្រូវធ្វើគឺ ហែកគុក និងត្រូវប្រឈមមុននឹកការតាមចាប់ខ្លួនមកវិញ ដើម្បីទោះរកភាពស្អាតស្អំឲ្យខ្លួនរបស់នាងវិញ។

G.I. JANE
1997
សម្តែងដោយ Demi Moore

និយាយពីជីវិតនៃទាហានស្រីដំបូងបង្អស់នៃកងកម្លាំងទានហានជើងទឹកអាមេរិក ដោយអ្នកដែលនឹងត្រូវជ្រើសរើសឲ្យចូលទៅដល់អង្គភាពធំ គឺទាល់តែអ្នកដែលពូកែខ្លាំង ដែលក្នុងការជម្រុះដំបូង មាន៦០ភាគរយទៅហើយដែលត្រូវបានដកចេញ។ តើមនុស្សស្រីម្នាក់អាចយកបន្តដំណើររបស់ខ្លួនក្នុងការពិសោធន៍ខ្លួនដ៏ធំនេះបានដោយរបៀបណា?

JUNO
2007
សម្តែងដោយ Allen Page

ក្នុងវ័យសិក្សា នារីវ័យក្មេងម្នាក់នេះ បែរជាមានផ្ទៃពោះ ដោយនាងមិនដឹងត្រូវធ្វើយ៉ាងណាឡើយ នៅពេលដែលមានប្តីប្រពន្ធមួយគូ មកសុំកូនរបស់នាងដែលមិនទាន់កើតទៅចិញ្ចឹម ទុកឲ្យហើយ។ ដោយភាពវ័យក្មេង នាងត្រូវតែសម្រេចចិត្តថា អ្វីទៅដែលល្អសម្រាប់កូននាងនិងនាង។

HIDDEN FIGURES
2016
សម្តែងដោយ Taraji P. Henson

រឿងពិតនៃនារីស្បែកខ្មៅ៣នាក់ ដែលតស៊ូដើម្បីក្លាយជាសមាជិក Nasa ក្នុងឆ្នាំ ១៩៦១ ក្នុងការដែលធ្វើឲ្យមនុស្សស្រី អាចត្រូវបានជ្រើសរើសឲ្យបានឡើងទៅភពព្រះច័ន្ទ ដោយពួកនាងបានតស៊ូជាមួយការបែងចែកពូជសាសន៍ និងភេទយ៉ាងមុតមាំរហូតពិភពលោកទទួលស្គាល់។

ហើយកុំភ្លេច Comment ប្រាប់អេដមីននូវរឿងក្នុងដួងចិត្តអ្នកគ្រប់គ្នាផងណា ។