ទិដ្ឋភាពផ្ទាល់ពីទីតាំងថតភាពយន្ត អ្នកស្នងអគារ/Tenement

••• ពិតជារំភើបខ្លាំងណាស់នៅពេលដែលបានទៅទស្សនាការថតភាពយន្ត អ្នកស្នងអគារ/Tenement ដោយផ្ទាល់បែបនេះ ។

កាលថ្ងៃមុនអ្នកកុននិយមពួកយើងបានទៅទស្សនាការថតភាពយន្ត អ្នកស្នងអគារ/Tenement ដោយផ្ទាល់ហើយក៏មានការណែនាំពីកន្លែងប្លង់ថតនិងទីតាំងសំខាន់ៗមួយចំនួនធំពីសំណាក់ផលិតករ តែ ឡូយ ផ្ទាល់តែម្តង ។

លើសពីនេះទៅទៀតអ្នកកុននិយមពួកយើងក៏បានសំណេះសំណាលជាមួយនឹងអ្នកនិពន្ធ និងអ្នកដឹកនាំរឿង នេត ឥន្ទនរាសុទ្ទីដ្ឋេព និង ផលិតករ តែ ឡូយ ថែមទៀតផង ហើយគាត់ក៏បានរៀបរាប់សាច់រឿងឲ្យពួកយើងបានដឹងមួយចំនួនផងដែរ ក្រោយពេលបានស្ដាប់ពួកគាត់រៀបរាប់សាច់រឿងឲ្យខាងអ្នកកុននិយមពួកយើងបានដឹងរួចហើយធ្វើយើងមានអារម្មណ៍ថាភាយន្តមួយនេះមានភាពល្អខ្លាំងណាស់បូករួមទាំងទីតាំងដែលមើលទៅគួឲ្យព្រឺសម្បុលហើយនេះសំឡេង ( Surround Sound 7.1 Dolby Atmos )ថែមទៀត វាកាន់តែឲ្យអ្នកទស្សនាព្រឺសម្បុលនិងជក់ចិត្តដិតអារម្មណ៍ចំពោះភាពយន្តមួយនេះថែមទៀតផង ។

យ៉ាងណាមិញអេដមីពិតជាសរសើរដល់ពួកគាត់ខ្លាំងមែនទែនចំពោះការរើសទីតាំងថតរឿងមួយនេះ ព្រោះកន្លែងទីតាំងដែលថតនោះគឺពិតជាគួឲ្យព្រឺឆ្អឹងខ្នងមែនទែន ហើយវាសាកសំនឹងថតរឿងបែបភ័យរន្ធតខ្លាំងណាស់ ។

កុំភ្លេចរងចាំទស្សនាភាពយន្ត អ្នកស្នងអគារ/Tenement នេះនៅចុងឆ្នាំ 2020 ទាំងអស់គ្នាណា