Spider-man 3 គ្មានវត្តមាន Daredevil សម្តែងដោយ Charlie Cox

មួយរយៈនេះមានពាក្យចចាមអារ៉ាមជាច្រើនដែលទាក់ទងនឹងភាពយន្តប្រចាំ Phase 4 របស់ Marvel ក៏ដូចជាភាពយន្តផ្សេងៗទៀតផងដែរ ។ ដោយឡែកភាពយន្ត Marvel Sony មួយក៏មានពាក្យចចាមអារ៉ាមពីនេះពីនេះផងដែរគឺរឿង Spider-Man 3 ។

ថ្មីៗនេះ​ មានពាក្យចចាមអារ៉ាមថាភាពយន្ត Spider-Man 3 នឹងអាចលេចមុខ Daredevil ដោយហេតុផលសមស្របជាច្រើន លើសពីនេះទៅទៀតលោក Charlie Cox ដែលជាអ្នកសម្ដែងតួ Daredevil នៅក្នុងរឿងភាគ DAREDEVIL (ចក្រវាឡ Marvel-Netflix) ក៏បាន Share ពាក្យចចាមអារ៉ាមមួយនោះផងដែរ ដែលធ្វើឲ្យទស្សនិកជនមានការជឿជាក់ថា Daredevil ដែលសម្តែងដោយលោក Charlie Cox នឹងអាចលេចមុខក្នុងភាពយន្ត Spider-Man 3 ពិតមែន ។ ប៉ុន្តែក្រោយមក តារាសម្តែងរូបនេះបានច្រានចោលពាក្យចចាមអារ៉ាមទាំងស្រុងទៅវិញ ។

លោក Charlie Cox បានប្រាប់ទៅ Comicbook.com ថា “ ខ្ញុំមិនមែនមិនធ្លាប់ឮពាក្យចចាមអារ៉ាមនេះទេ ប៉ុន្តែបើសិនរឿងនេះជាការពិតមែន ក៏គ្មានអ្វីពាក់ព័ន្ធនឹង​ Daredevil របស់ខ្ញុំដែរ វាអាចនឹងនៅជាមួយតារាសម្តែងផ្សេងទៀត។ “

បើទោះជាលោក Charlie Cox បានច្រានចោលចចាមអារ៉ាមនេះក៏ពិតមែន​ ប៉ុន្តែក៏មិនប្រាកដថា តូអង្គ Daredevil មិនអាចលេចមុខក្នុង SPIDER-MAN 3 នោះទេ​ គ្រាន់តែអាចនឹងសម្ដែងដោយតួផ្សេងម្នាក់ទៀតប៉ុណ្ណោះ​ ។​ យ៉ាងណាមិញរឿងនេះក៏គ្មានការបញ្ចាក់ច្បាស់លាស់នៅឡើយទេ មានតែចាំការប្រកាសពី Marvel រឺ Sony ទេទើបដឹង ហើយណាមួយក្រុមការងារផលិតភាពយន្ត SPIDER-MAN 3 បានពន្យារពេលវែងឆ្ងាយទៀត ដូចនេះហើយមានត្រឹមតែពាក្យថា “ចាំនៅតែចាំ” ។

ប្រសិនជាមាន Daredevil នៅក្នុងភាពយន្ត Spider Man 3 ពិតមែននឹងអាចមានរឿងអ្វីកើតឡើង?