The Falcon And The Winter Soldier និង WandaVision ប្រកាសថ្ងៃបញ្ចេញ Trialer

បន្ទាប់ពីមានការពន្យាពេលកម្មវិធីកម្សាន្តនិង យុទ្ធនាការផ្សេងៗអស់រយ:ពេលយ៉ាងយូរគួរសមដែរ ។ ដោយឡែកអ្វីដែលយើងត្រូវចៀសវាងគឺនៅកន្លែងប្រមូលផ្តុំគ្នាច្រើនហេតុដូចនេះកម្មវិធីខ្លះបានធ្វើការផ្សាយបន្តផ្ទាល់តាមរយ:បណ្តាញសង្គមហើយកម្មវិធីខ្លះទៀតចាំរហូតដល់មេរោគ Covid-19 ត្រូវបានស្ងប់ស្ងាត់។

ថ្មីៗនេះនៅតាមបណ្តាញសង្គមនិង សារព័ត៌មានក្រៅស្រុកមួយចំនួនបានចុះផ្សាយថាព្រឹត្តិការណ៏ Comic-Con 2020 អាចនឹងមកដល់ក្នុងពេលឆាប់នេះជាលក្ខណ:ឌីជីថលនឹងធ្វើការផ្សាយបន្តផ្ទាល់តាមបណ្តាញសង្គម ។ ព្រឹត្តិការណ៏ Comic-Con អាចរាប់បញ្ចូលបានថាជាព្រឹត្តិការណ៏មួយដែលមានអាយុកាលវែងគួរសមបើរាប់ចាប់តាំងពីឆ្នាំ1970រហូតឆ្នាំ2020 នេះគឺជាឆ្នាំទី50ដែលបានប្រារព្ធពិធី។

យ៉ាងណាមិញ សម្រាប់ឆ្នាំ 2020 គឺជាឆ្នាំមួយដែលមានការពន្យាពេលជាលើកដំបូងក្នុងប្រវត្តិសាស្ត្រសម្រាប់ព្រឹត្តិការណ៏មួយនេះ ។ ព្រឹត្តិការណ៏ Comic-Con គឺជាកម្មវិធីមួយដែលមានការតាំងពិព័រណ៏ ការធ្វើបទបង្ហាញផ្សេងៗនិង ការប្រមូលផ្តុំទៅដោយអ្នកនិយមអាន Comic នឹងអ្នកស្រលាញ់ Super Hero ហើយតែងតែមានវត្តមានអ្នកផលិតអ្នកដឹកនាំរឿងនឹងតារាកិត្តិយសដែលមានឈ្មោះបោះសំលេងខ្លាំងនៅលើវិស័យមួយនេះ។

ដើម្បីការពារសុខសុវត្ថិភាពអ្នកដែលចូលរួមនឹងកាត់បន្ថយការរីករាលដាលនៃមេរោគ Covid-19 ដូចនេះក្រុមការងារ Comic-Con បានសម្រេចចិត្តធ្វើកម្មវិធី Comic-ConAtHome ដែលមានលក្ខណ:ឌីជីថលនឹងធ្វើការផ្សាយបន្តផ្ទាល់តាមបណ្តាញសង្គម ។

ក្នុងឱកាសនេះផងដែល Marvel នឹងមានការបញ្ចេញឈុតគម្រូដំបូងរបស់ភាពយន្តភាគ The Falcon and The Winter Soldier និងភាពយន្តភាគ Wandavision ដែលភាពយន្តភាគទាំងពីរនេះនឹងត្រៀមចាក់បញ្ចាំងតាមរយ: Disney+ ក្នុងឆ្នាំនេះហើយ ។ មិនដឹងថាយើងអាចនឹងឃើញអ្វីខ្លះនៅក្នុងឈុតគំរូដំបូងរបស់ភាពយន្តភាគទាំងពីរនេះទេ ???

តើអ្នកទាំងអស់គ្នារំពឹងយ៉ាងណាសម្រាប់ឈុតគំរូដំបូងថ្មីនៃភាពយន្តភាគថ្មីទាំងពីរនេះ?