តួសម្តែង Quicksilver ពី FOX នឹងលេចមុខក្នុង WandaVision របស់ Disney+

មានរបាយការណ៍ជាច្រើនកំពុងតែផ្ទុះឡើងជុំវិញតារាសម្តែង Quicksilver (ចក្រវាឡ X-Men) លោក Evan Peters កំពុងតែមានតួនាទីមួយនៅក្នុងរឿងភាគ WandaVision ដែលនឹងមកដល់ក្នុង Diney + នាពេលឆាប់ៗខាងមុខនេះ ។

មតិមួយចំនួនថាលោកនឹងមកលេងជា Quicksilver តែម្ដង ប៉ុន្តែមតិច្រើនទៀតថាលោកនឹងមិនមែនមកលេងជា Quicksilver ទេព្រោះនៅទីនេះជាចក្រវាឡ MCU។ ដោយឡែក Quicksilver (ធ្លាប់បានសម្ដែងដោយ Aaron Taylor-Johnson) របស់ MCU ដែលយើងបានឃើញជាបងប្អូនរបស់ Wanda Maximoff កាលពី Avengers: Age of Ultron បានស្លាប់បាត់ហើយ។ ដូចនេះបើមកលេងជា Quicksilver ក្នុង MCU នេះ ដូចជាមិនសមហេតុផលឡើយ។ បើជា Quicksilver មែនមានន័យថាចក្រវាឡ MCU កំពុងតែចងចំណងជាមួយចក្រវាឡ X-Men ក៍ថាបានដែរ។ តែមិនទាន់មានការបញ្ជាក់ច្បាស់ការណ៍ពី Marvel និង Disney ថាលោក Evan Peters នឹងមកលេងជាតួអ្វីឲ្យពិតប្រាកដក្នុងរឿងភាគ WandaVision នេះទេ។

ប្រភពមួយពី Murphy’s Multiverse បាននិយាយថាតារាវ័យ 33 ឆ្នាំនេះ បានចុះកុងត្រាជាមួយ Marvel តាំងពីឆ្នាំ 2019 មកម៉្លេះ ហើយបានថតឈុតខ្លះៗតិចតួចហើយ។

ទោះជាយ៉ាងណាដោយ យើងនឹងឃើញតារាសម្ដែងដែលធ្លាប់មានមុខក្នុងចក្រវាឡ MCU កាលពីមុនសារជាថ្មីនៅក្នុងរឿងភាគ WandaVision នេះ ដែលមានជាអាទិ៍ Kat Dennings ដែលនឹងមកដើរតួជា Darcy Lewis ដែលយើងធ្លាប់បានឃើញក្នុង Thor (2011) និង Thor: The Dark World (2014) លើកមុន ។

លោក Randall Park ជាដែលជាភ្នាក់ងារ FBI ឈ្មោះ Jimmy Woo នៅក្នុងរឿង Ant-Man and the Wasp (2018) និង Teyonah Parris ដើរតួជាក្មេងស្រីវ័យជំទង់ Monica Rambeau ដែលយើងធ្លាប់បានឃើញនៅក្នុងភាពយន្ត Captain Marvel កាលពីឆ្នាំទៅនោះ៕