ក្រុម Avengers ផ្ញើសារគាំទ្រកុមារា Bridger ក្រោយពេលធ្វើជាវីរបុរសជួយប្អូនស្រីពីការវាយប្រហាររបស់សត្វឆ្កែ

កាលពីមួយសប្តាហ៍មុនឈ្មោះ​ Nikki Walker បានបង្ហោះសារមួយនៅលើបណ្ដាញសង្គម​ Instagram ដែលបានបង្ហាញចង់ឲ្យក្រុម Avengers ដឹងពីភាពក្លាហានរបស់ក្មួយប្រុសគាត់ ។ ក្រោយមក Chris Evans បានបញ្ចូនកាដូមួយទៅកាន់ក្មេងប្រុសម្នាក់ដែលកំពុងតែទទួលបានការកើតសរសើរនៅលើអុិនធើណេត គឺកុមារា Bridger Walker ដោយសារតែជួយសង្គ្រោះប្អូនស្រីដែលមានអាយុ 4 ឆ្នាំរបស់គាត់ពីការវាយប្រហាររបស់សត្វឆ្កែ ។ ក្មេងប្រុសអាយុ 6 ឆ្នាំនេះបានរងរបួសមុខផ្នែកខាងឆ្វេងជាទម្ងន់ ចំណាយវះកាត់អស់រយះពេលជាង 2 ម៉ោងនិងមានស្នាមដេររហូតដល់ទៅ 90 ថ្នេរឯណោះ ។

តារាសម្ដែងរូបសង្ហា Chris Evans បាននិយាយជាវីដេអូមួយនៅលើ Instagram ថា “Captain America នៅទីនេះ, ខ្ញុំបានឃើញរឿងរ៉ាវកើតឡើងក្នុងរយៈពេល 2-3 ថ្ងៃនេះ, ខ្ញុំចង់និយាយថា ឯងគឺជាវីរៈបុរស ឯងពិតជាក្លាហានមែនទែន ប្អូនស្រីរបស់ឯងពិតជាសំណាងណាស់ដែលមានបងប្រុសដូចជាឯង, ឪពុកម្ដាយរបស់ឯង ពិតជាមានមោទនភាពណាស់, ខ្ញុំនឹងផ្ញើរខែល Captain America ពិតទៅកាន់អាស័យដ្ឋាននោះ ព្រោះឯងពិតជាសាកសំនឹងទទួលវាណាស់” ។ យ៉ាងណាមិញកុមារា Bridger Walker ក៏ជាអ្នកគាំទ្រ Avengers យ៉ាងពេញទំហឹងមួយរូបផងដែរ ។

បើយោងតាមសេចក្ដីថ្លែងការរបស់ក្រុមគ្រួសារ Walker ដែលប្រាប់ទៅដល់ទូរទស្សន៍ CNN បានឲ្យដឹងថា ពេលឪពុករបស់ Bridger បានសួរ Bridger ថា “ហេតុអ្វីបានជាឯងជួយសង្គ្រោះប្អូនស្រីរបស់ឯងពីការវាយប្រហាររបស់ឆ្កែនោះ ?” Bridger ឆ្លើយថា “ប្រសិនបើនរណាម្នាក់ត្រូវស្លាប់ គិតថាវាគួរតែជាខ្ញុំ” ។

លើសពីនេះទៅទៀត មិនមែនមានតែ Chris Evans ដែលផ្ញើសារគាំទ្រកុមារា Bridger Walker ទេ សូម្បីតែ Robert Downey Jr., Chris Hemsworth, Tom Holland និងMark Ruffalo ក៏បានផ្ញើសារគាំទ្រផងដែរ ។ Robert Downey Jr. ក៏បាននិយាយផងដែរថា គាត់នឹងទៅជួប Bridger នៅថ្ងៃកំណើត ហើយនឹងជូនកាដូដែលល្អជាងខែលរបស់ Captain America ទៅទៀត ។

ឆាប់ជាណាវីរបុរសតូច​៕