បើចង់ដឹងថាអ្វីទៅ ដែលផ្អែមឆ្ងាញ់ជាងសម្ដីព្រាននារី អាចទៅសាកឈុតនំខាប់នៅ «កាហ្វេចាស់» បាន

វត្តមានហាងកាហ្វេនិងភេសជ្ជ:ជាច្រើន កំពុងបំពេញតម្រូវការមនុស្សប្រុសស្រីក្នុងទីក្រុងភ្នំពេញ ។ ក្នុងនោះគំនិតច្នៃប្រឌិតថ្មីៗប្លែកៗក៏ចេះតែកើតចេញជាបន្តបន្ទាប់ ទាំងភេសជ្ជៈក៏ដូចជាការតុបតែងហាងដើម្បីទាក់ទាញយកចំណាប់អារម្មណ៍ពីមហាជន ។ ថ្ងៃនេះរឿងញ៉ាំរឿងធំចង់នាំអារម្មណ៍គ្រប់គ្នាទៅស្គាល់ហាងកាហ្វេមួយទៀតហើយ ដែលមានលក្ខណៈប្លែកគួរឲ្យទាក់ទាញ ពិសេសការបើកដំណើរគឺកើតចេញពីក្ដីស្រម៉ៃនិងការស្រឡាញ់ហាងកាហ្វេបែបតូចៗរបស់ម្ចាស់ហាងផ្ទាល់ ។ ទើបបើកដំណើរការថ្មីៗរយៈពេញជាង២ខែ “កាហ្វេចាស់” ។ កុំយល់ច្រឡំថាឈ្មោះបែបនេះ មកពីហាងចាស់ឬកាហ្វេបើកសម្រាប់តែអ៊ំៗចាស់ៗណា៎ ដែលដាក់ឈ្មោះបែបនេះមូលហេតុពិតគឺមកពីបងម្ចាស់ហាងនិងក្រុមរបស់គាត់មានរសនិយមកាហ្វេចាស់ៗ ទើបបានជាជម្រុញឲ្យពួកគាត់ទទួលបានគំនិតថ្មីក្នុងការដាក់ឈ្មោះហាងកាហ្វេរបស់គាត់ថាហាង “កាហ្វេចាស់” បែបនេះតែម្ដង ។ ចំណែកគំនិតនៃការរៀបចំតុងតែងហាងគឺចេញតាមក្រោយបន្ទាប់ពីបានដាក់ឈ្មោះរួចទៅវិញទេ ដែលក្នុងនោះមានឃើញសម្ភារៈចាស់ៗគួរឲ្យទាក់ទាញជាច្រើន ។  ឈ្មោះពិសេសហើយ ចុះមានអ្វីដែលពិសេសទៀត ? ភេសជ្ជៈប្រចាំហាងគឺ កាហ្វេចាស់ ហ្មឹងតែម្ដងដែលមានការរៀបចំកែវកាហ្វេគួរឲ្យទាក់ទាញ និងចំណុចសំខាន់ត្រង់ថាហាងគាត់ទទួលបានការគាំទ្រពីអ្នកចូលចិត្តទទួលទាន់រសកាហ្វេពិតៗ ដែលមានក្លិនឈ្ងុយកាហ្វេនិងណែនាំពីកម្រិតស្ករសម្រាប់អ្នកចូលចិត្តកាហ្វេចាស់ៗ ។ និយាយរួមដាក់ទៅគឺត្រូវចិត្តភ្ញៀវដែលមានរសជាតិនិយមបែបនេះតែម្ដង ។  ឆ្លើយតបនឹងការគាំទ្រនិងតម្រូវការរបស់អតិថិជន ហាង “កាហ្វេចាស់” ក៏បានដាក់លក់នូវចំណីទទួលទាន់ជាមួយកាហ្វេ ដែលទទួលបានការគាំទ្រផ្ទុះខ្លាំងតែម្ដងនោះគឺ “នំខាប់” ។ រសជាតិវិញមានពាក្យមួយឃ្លាគឺ ផ្អែមឆ្ងាញ់ជាងសម្ដីព្រាននារី​ ។ ទំនងខ្លាំងតែក្រឡេកមើលតម្លៃវិញ កញ្ចប់គេត្រឹមតែ 3$ 3$ ជាមួយកាហ្វេ ញាក់មែនទែន ។ Admin ណែនាំឲ្យទៅរកមើល សាករសជាតិកាហ្វេ ក៏ដូចជានំខាប់បាន […]