SONY ប្រកាសភាពយន្ត MARVEL មិនទាន់មានចំណងជើង

••• ដូចយើងដឹងស្រាប់ហើយថាកាលនៅក្នុងកម្មវិធី Comic-Con 2019 ក្រុមហ៊ុន Marvel Studios បានប្រកាសបើកមុខមាត់ថ្មីរបស់ Phase 4 ដែលមានរយៈពេលចាប់ពី 2020 រហូតដល់ 2022 ដែលមានភាពយន្តជាច្រើន ។

ដោយឡែកសម្រាប់ចក្រវាឡ Marvel និង Sony ក៏បានប្រកាសចេញភាពយន្តជាច្រើនផងដែរ ។ យ៉ាងណាមិញកាលពីថ្មីៗនេះ Sony បានប្រកាសពីការចាក់បញ្ចាំងភាពយន្តថ្មីមួយរបស់ Sony-Marvel នៅក្នុងថ្ងៃទី 8 ខែតុលា ឆ្នាំ 2021 ដោយមិនបានប្រាប់ឡើយថាភាពយន្តនេះជាភាពយន្តអ្វី ហើយក៏បានធ្វើឲ្យមានការងឿងឆ្ងល់យ៉ាងខ្លាំងជុំវិញនឹងការប្រកាសមួយនេះ!!! លើសពីនេះទៅទៀតបន្ទាប់ពីមានការប្រកាសរបស់ Sony នេះហើយក៏មានការរំពឹងទុកខ្លះៗដែលទាក់ទងនឹងការប្រកាសនេះផងដែរ បើតាមកាស្រាវជ្រាវមកពីប្រភពគេហទំព័រធំៗផ្សេងៗបានឲ្យដឹងថា ការប្រកាសចាក់បញ្ចាំងភាពយន្តរបស់ Sony-Marvel ក្នុងឆ្នាំ 2021 នេះអាចនឹងមានភាពយន្តណាមួយក្នុងចំណោម 3 រឿង ដែលនឹងអាចចេញនៅក្នុងថ្ងៃទី 8 ខែតុលា ឆ្នាំ 2021 ដូចដែល Sony ប្រកាសនេះ ក្នុងនេះមានដូចជា Spider-Man, Venom និង Mobius ។ ដូចដែលមិត្តៗអ្នកកុននិយមយើងបានដឹងអញ្ចឹងដែរថា ភាពយន្តទាំង 3 នេះគឺសុត្ធតែចេញនៅក្នុងឆ្នាំ 2021 ទាំងអស់ ។

ប៉ុន្តែមានរឿងមួយទៀតដែលអេដមីនមិនហ៊ានគិតទេគឺ Sinister Six តែនេះយើងចេះតែនិយាយលេងៗទៅ ព្រោះកាលពីប៉ុន្មានថ្ងៃមុននេះយើងបានឃើញរូបមួយផ្ទាំងដែលត្រូវបានគេលួចថតនៅក្នុងពេលដែលរឿង Venom 2 កំពុងតែថតដោយមានឃើញអក្សរដែលគេសួររក Spider-Man ព្រោះនៅពេលដែល Mysterio បានបើកមុខមាត់ពិតរបស់ Spider-Man ហើយគឺមានសត្រូវជិតឆ្ងាយចង់រកមុខច្រើនណាស់។ បើចេញ Sinister Six មែនដឹងតែអេមហើយ

តើមិត្តៗអ្នកកុននិយមយើងគិតថាការប្រកាសថ្ងៃបញ្ចាំងរបស់ Sony នេះថានឹងចេញរឿងអ្វី ?