កំពូលតារាសម្ដែង Tom Hank និង​ភរិយាឆ្លង COVID-19

•••​ កាលពីមុននេះប៉ុន្មានម៉ោង កំពូលតារាសម្តែងក្នុងដួងចិត្តទស្សនិកជន លោក Tom Hanks បានធ្វើការបង្ហោះសារក្នុងគណនី Instagram របស់ខ្លួន ជាការប្រកាសថា ពេលនេះលោកបានធ្វើតេស្តវិជ្ជមានលើមេរោគ Coronavirus (COVID-19) ក្នុងពេលដែលស្ថិតនៅប្រទេសអូស្ត្រាលីដើម្បីថតកុន។

ក្នុងសាររបស់លោក បានថ្លែងថា “សួស្តីគ្រប់គ្នា!​ ខ្ញុំនិងភរិយា កំពុងស្ថិតក្នុងប្រទេសអូស្ត្រាលី។ អ្វីដែលកើតឡើងគឺ ពួកយ៉ាងមានអារម្មណ៍ហត់នឿយតិចតួច ដូចកើតជម្ងឺផ្តាសាយ រួមទាំងការចុករោយរាងកាយផងដែរ។ Rita ភរិយាខ្ញុំមានអាការៈរងាញាក់ម្តងៗ និងគ្រុនក្តៅតិចតួច។ ដើម្បីឲ្យប្រាកដចិត្ត និងស្ថិតក្នុងវិបត្តិពិភពលោកពេលនេះ ពួកយើងក៏បានទៅធ្វើតេស្តរកមេរោគ Coronavirus ហើយលទ្ធផលនោះគឺ វិជ្ជមាន” លោកបានបន្តថា “ចឹងឥឡូវត្រូវធ្វើម៉េចទៀត? ខាងពេទ្យគឺគេមានក្បួនច្បាប់ត្រឹមត្រូវដើម្បីឲ្យយើងធ្វើតាម។ ពួកយើងទាំង២នាក់ នឹងត្រូវបានបន្តការធ្វើតេស្ត សង្កេត និងញែកចេញពីអ្នកផ្សេ​ង ដើម្បីសុខភាព និងសុវត្ថិភាពសាធារណៈដែលតម្រូវឲ្យគោរពតាម។ មួយថ្ងៃសោះ រឿងមិននឹកស្មានអ្វីក៏អាចកើតឡើងដែរ មែនទេ? យើងនឹងឲ្យពិភពលោក Update ពីរឿងពួកយើងបន្តបន្ទាប់ទៀត។ ថែខ្លួនផងគ្រប់គ្នា! Hanx.”

អ្នកផ្ទៃក្នុងបានឲ្យដឹងថា អ្នកដែលជាប់ពាក់ព័ន្ធនឹងមេរោគនេះ គឺមានតែ២នាក់ប្តីប្រពន្ធ Hanks តែប៉ុណ្ណោះ ហើយការថតកុន គឺស្ថិតក្នុងដំណាក់កាលសាកល្បងនៅឡើយ បានន័យថាការថតមិនទាន់មានដំណើរការអ្វីឡើយ។ ចំណែកក្រុមហ៊ុនផលិតធំ Warner Bros. ក៏បានសម្តែងការយកចិត្តទុកដាក់ទទួលខុសត្រូវ និងមើលថែអ្នកជម្ងឺយ៉ាងយកចិត្តទុកដាក់ផងដែរ ដោយមានការសហការណ៍យ៉ាងជិតស្និតជាមួយស្ថាប័នសុខភាពនៅប្រទេស អូស្ត្រាលី។

យ៉ាងណាមិញ នៅប្រទេសដែលមានបរិក្ខាសុខាភិបាលល្អៗ និងជឿនលឿន គឺមិនគួរមានអ្វីបារម្ភខ្លាំងឡើយ។ ដោយឡែក ក្នុងប្រទេសអាស៊ី ពិសេសកម្ពុជាយើង អេដមីន សូមសំណូមពរឲ្យបងប្អូនទាំងអស់ ការពារបឋម ឲ្យដិតដល់ជាងមុន មិនថាការដាក់ម៉ាសមុខតាមខ្លួន (ម៉ាសត្រូវស្តង់ដាកាន់តែល្អ) ការលាងសម្អាតដៃក្រោយពេលកាន់របស់របរសាធារណៈ ការបរិភោគ និងការជួបមនុស្សម្នាជាដើម។

ដោយក្តីបារម្ភ

Hello, folks. Rita and I are down here in Australia. We felt a bit tired, like we had colds, and some body aches. Rita had some chills that came and went. Slight fevers too. To play things right, as is needed in the world right now, we were tested for the Coronavirus, and were found to be positive. Well, now. What to do next? The Medical Officials have protocols that must be followed. We Hanks’ will be tested, observed, and isolated for as long as public health and safety requires. Not much more to it than a one-day-at-a-time approach, no? We’ll keep the world posted and updated. Take care of yourselves! Hanx!

25.9k Likes, 2,466 Comments – Tom Hanks (@tomhanks) on Instagram: “Hello, folks. Rita and I are down here in Australia. We felt a bit tired, like we had colds, and…”