ភ្លក្សកាហ្វេ លំហែខួរក្បាលជាមួយធម្មជាតិ នៅភ្លេងច័ន្ទ ព្រះនរោត្តម

បើចង់លំហែខួរក្បាលជាមួយធម្មជាតិ មិនចាំបាច់ទៅដល់ព្រៃភ្នំអីឆ្ងាយ នៅត្រឹមអង្គុយផឹកកាហ្វេក្នុងហាងកាហ្វេសោះ ក៏អារម្មណ៍ហាក់ដូចជាស្ងប់ស្ងាត់នៅក្នុងធម្មជាតិអ៊ីចឹងដែរ។

ហាងកាហ្វេដែលយើងនិយាយមួយនេះគឺ Pleng Chan ព្រះនរោត្តម ដែលជាសាខាទី២ ដែលទើបនឹងបើកថ្មី។ ហាងកាហ្វេ ភ្លេងច័ន្ទ/Pleng Chan ព្រះនរោត្តមមួយ មានការរចនា តុបតែងប្លែកដោយមានសិល្បៈនៃការច្នៃហាងច្រើនលាយបញ្ចូលគ្នាដូចជា ធម្មជាតិ ផ្ទះចាស់សល់ពីសង្គមដើម កន្លែងអានសៀវភៅ និងកន្លែងអង្គុយខាងក្រៅមានអាងចញ្ចឹមត្រីទៀតផង។

ភេសជ្ជៈប្រចាំហាងវិញឈ្មោះគឺពីរោះហួសថ្លែង សុទ្ធតែស្រអែមខៀវខ្ចី។ លើសពីនេះទៅទៀតនៅ ភ្លេងច័ន្ទ/Pleng Chan សាខានេះ ក៏មានសៀវភៅជាច្រើនទុកសម្រាប់អតិថិជនដែលមកផឹកកាហ្វេនៅទីនោះអានផងដែរ ដែលជាន់លើនោះជាផ្ទះឈើ ប្រៀបដូចជាបណ្ណាល័យមួយអីចឹង។ បើនិយាយពីប្លង់ថតរូបវិញ គឺថាអ្នកនិយម Instagram អីដឹងតែត្រូវប៉ាន់តែម្តង ព្រោះថាគ្រប់ជ្រុងនៅក្នុងហាង សុទ្ធតែជាប្លង់សម្រាប់ថតរូបស្អាតៗតែម្ដង សូម្បីតែជណ្តើរ។ ដូច្នេះអាចនិយាយបានថា ហាងកាហ្វេ ភ្លេងច័ន្ទ/Pleng Chan ព្រះនរោត្តមមួយនេះ គឺដឹងតែត្រូវចិត្តសម្រាប់ស្រទាប់យុវវ័យដែលនិយមជួបជុំគ្នានៅហាងកាហ្វេហើយ។

តោះៗ!!! កន្លែងស្អាតប៉ុណ្ណឹងហើយនៅចាំអីទៀត! បើករៀងរាល់ថ្ងៃ ចាប់ពីម៉ោង ៦:៣០ព្រឹក – ម៉ោង ៩យប់

ផែនទីហាង៖

The post ភ្លក្សកាហ្វេ លំហែខួរក្បាលជាមួយធម្មជាតិ នៅភ្លេងច័ន្ទ ព្រះនរោត្តម first appeared on KAMPUCHEERS.