ម្ទេសឯណាដែលថាមិនចេះហឹរ តែមែនទែនទៅនៅ «គ្រឿងសមុទ្រក្រឡុកម្ទេស» ម្ទេសគេអត់ហឹរមែនតាស៎

សុខទុក្ខយ៉ាងណាហើយប្រិយមិត្តរឿងញ៉ាំរឿងធំទាំងងស់គ្នា ។ ពិសេសអ្នកតាមដានកម្មវិធីប៉ុស្តិ៍ញ៉ាំ សប្ដាហ៍នេះយើងបានធ្វើដំណើរមកដល់សប្ដាហ៍ទី7ហើយណា៎ ។ អ្នកបានទស្សនាតាម Facebook Page របស់រឿងញ៉ាំរឿងធំ ប្រហែលដឹងថាសប្ដាហ៍នេះទៅដល់ហាងមួយណាហើយ អ៊ីចឹងមកអានលេងដឹងបន្ថែមពីហាងក៏បាន ។

ក្រហមស្កេកស្កះច្បាស់ណាស់ថាមួយម៉ាត់ហោះហើរដល់លើមេឃ ។ តែកុំឆាប់ភ័យពេក ការពិតមិនដូចអ្វីដែលគ្នាយើងឃើញទេគឺនៅ “គ្រឿងសមុទ្រក្រឡុកម្ទេស” គេមានរូបមន្ដពិេសសដែល ធ្វើឱ្យយើងមើលទៅហឹរ តែមិនហឹរ តែហឹរ ហាហា ។ ឈ្មោះ គ្រឿងសមុទ្រក្រឡុកម្ទេសនេះគ្រាន់ដាក់ឱ្យអតិថិជនរបស់ហាងគាត់ស្រួលចំណាំប៉ុណ្ណោះ គឺគាត់ដាក់តាំងពីប្រភេទគ្រឿងសមុទ្រក្រឡុកទើបមានវត្តមានដំបូងៗនៅទីក្រុមភ្នំពេញយើងនេះ ។

និយាយពីម្ហូបរបស់ហាងវិញ ដែលជាគោលសំខាន់ប្រចាំហាងនោះគឺ គ្រឿងសមុទ្រក្រឡុកម្ទេសនេះឯង ។ ក្រហមពិតមែនប៉ុន្តែមិនហឹរទេ ព្រោះគ្រឿងផ្សំគឺម្ទេសប្លោកខ្មែរយើងហ្នឹងឯង បូកផ្សំជាមួយគ្រឿងផ្សំរូបមន្ដពិសេសរបស់ហាងទៀតកាន់តែត្រូវម៉ាច់ត្រូវម៉ក់ជូរអែមផ្អែមប្រៃនិយាយទៅជាតិណាស់។ សំខាន់គ្រឿងសមុទ្រស្រស់ៗគ្រប់មុខ មានតាំងពីខ្យងឫស្សី បង្គា មឹក ក្ដាមសាច់ណែនៗ ។

មិនទាន់អស់ទេនៅមានម្ហូបពិសេសៗប៉ុន្មានមុខទៀត ដូចជាស្លាបមាន់ Hot Wing Chicken Wing ញ៉ាំលិតដៃលិតមាត់ ។ បងប្អូនភ្លោះគឺ Spaghetti Ham និង Spaghetti Seafood ឆ្ងាញ់ណាស់ទឹក Sauce នៅទីនោះ ។ ហើយចុងក្រោយគឺ ដៃមឹកម្ទេស មួយចុងក្រោយនេះរាងហឹរបន្តិច សម្រាប់អ្នកចេះហឹរត្រូវមាត់ហើយ ។ ចាំសាករស់ជាតិទាំងអស់គ្នាទៅណា ហើយបើថាមិនទាន់បានតស្សនាវីដេអូក៏អាចទស្សនានៅខាងក្រោមនេះបានផងដែរ ។ នាំមកជូនដោយ Anchor Beer (Cambodia)

ទស្សនាវីដេអូ៖

ទីតាំងហាង៖

The post ម្ទេសឯណាដែលថាមិនចេះហឹរ តែមែនទែនទៅនៅ «គ្រឿងសមុទ្រក្រឡុកម្ទេស» ម្ទេសគេអត់ហឹរមែនតាស៎ first appeared on KAMPUCHEERS.