«Numsandwich» លើសពីសាន់វិចធម្មតា ញ៉ាំជាមួយផ្លែឈើ តាមស្ទាយប្រជាជនជប៉ុន

បើនិយាយពីនំសាន់វិចគ្រប់គ្នាច្បាស់ជាគិតថាជាអាហាររបស់ប្រជាជននៅតំបន់ប៉ែកខាងអ៊ឺរ៉ុប ប៉ុន្តែមាននំ​សាន់​វិចមួយប្រភេទដែល​មាន​ដេីម​កំណេីត​នៅ​ប្រទេស​ជប៉ុន​ និង​ទទួល​បានការ​គាំ​ទ្រ​យ៉ាង​ខ្លាំងពី​ប្រជាជន​ជប៉ុន​ ក៏ដូចជា​​បណ្តា​ប្រទេស​ជិតខាង​ដូចជា​ កូរ៉េ​ តៃវ៉ាន់​ ហុងកុង​ និង​ប្រទេស​ដែល​មាន​ទំនាក់ទំនង​ជិត​ស្និទ្ធ​ហ្នឹង​ប្រទេស​ជប៉ុន​ដូចជា​ ថៃ​ ឥណ្ឌូណេស៊ី​ ជាដេីម ​។ គំនិតច្នៃប្រឌិតជាចលករជំរុញឲ្យមានការបង្កើតថ្មីនេះ ។ តួរយ៉ាងដូចជានំសាន់វិចផ្លែឈើរបស់ជប៉ុនមួយប្រភេទនេះ ដែលមានវត្តមាននៅប្រទេសកម្ពុជា​យើង ដែលត្រូវបាននាំមកជូនដោយហាង “នំសាន់វិច” (Numsandwich) ។

ហាង “នំសាន់វិច” (Numsandwich) បានចាប់​បើក​ដំណើរ​ការតាំង​ពី​ខែ​១១ ឆ្នាំ​២០២០ រហូត​មកទល់​បច្ចុប្បន្ន​មាន​រយៈពេល​ 7ខែមក​ហេីយ​ ។ ទីតាំង​បច្ចុប្បន្ន​ ផ្ទះលេខ ២១ ជាន់​ទី​១​ ផ្លូវ ១៣៥ សង្កាត់ទួលទំពូង១ ខណ្ឌចំការមន រាជធានីភ្នំពេញ ។ អាហារពិសេសប្រចាំហាងគឺ “នំសាន់វិចផ្លែឈើ”​ នេះឯង ។ មូលហេតុ​ដែលដាក់​ឈ្មោះហាងថា​ “នំ​សាន់​វិច”​ ព្រោះហាងបាននាំមកជូនបង្អែម​របស់​ជប៉ុន​មួយ​ប្រភេទ​នេះដែល​អោយ​ឈ្មោះ​ថា​ នំ​សាន់​វិច​ផ្លែ​ឈេី ​។ ប្រជាជនយើងភាគច្រើនគិត​ថា​នំ​សាន់​វិច​ គឺ​មាន​សាច់​ មានបន្លែ​ សម្រាប់​ជា​អាហារ​សម្រន់​ពេល​ព្រឹក​ឬពេល​ថ្ងៃ​ ​។

ប៉ុន្តែនេះជានំ​សាន់​វិច​ដែល​ដាក់​ផ្លែឈើ​និង​គ្រីម​ជំនួសទៅ​វិញ បើបានអានដល់ត្រឹមនេះបែបភ្ញាក់​ផ្អេីល​ និង​ចំឡែក​អារម្មណ៍​បន្តិចហើយ ​។ ចង់បញ្ជាក់ថា​យើងក៏​អាច​ញ៉ាំនំសាន់វិចផ្លែឈើនេះ​ជាលក្ខណ:បង្អែម ​ឬ​ជា​អាហារ​សម្រន់​ពេល​ព្រឹក​ក៏​បានដែរ ​។ គោល​បំណង​ក្នុង​ការ​បង្កើតហាងនេះ​ឡេីង​មាន​២គឺ​ ទី១​ដោយ​សារនំសាន់វិចផ្លែឈើ​នេះជានំ​ដែលមានរសជាតិឆ្ងាញ់ប្លែក​ជាប់ចិត្តដក់ជាប់ក្នុង​អារម្មណ៍​ និង​ពុំ​ធ្លាប់​មាន​នៅក្នុងប្រទេសកម្ពុជាយើងពីមុនមកនោះទេ​ ។ ទី​២​គឺដោយសារ​បាន​ទៅទទួល​ការ​សិក្សានៅ​ប្រទេស​ជប៉ុន​ក្នុងពេល​កន្លង​មក ក៏មានគំនិតចង់​បង្កើត​​អាជីវកម្មដែល​​ដឹក​នាំ​ដោយកូនខ្មែរ​យេីង​ផ្ទាល់​ ដេីម្បី​ជា​កិច្ច​សហប្រតិបត្តិការ​រវាង​វប្បធម៌​ចំណី​អាហារ​របស់​ប្រទេសកម្ពុជា​និង​ប្រទេសជប៉ុន​ផង​ដែរ ​។

មកនិយាយពី នំសាន់វិចផ្លែឈើ អាហារប្រចាំហាងវិញ ។ ហាងតែងទទួលបានមតិយោបល់ពីសំណាក់អតិថិជនវិញដោយមានលើកឡើងសរសើពីរសជាតិនំ​ឆ្ញាញ់​ប្លែកខុស​ពី​គេ មានគ្រីមតែបែរជាញុំា​ច្រើន​មិនមានអារម្មណ៍ថាទ្រលាន់​ កាត់​បន្ថយ​ភាពស្រ្តេស​​ដោយ​សារនំ​មាន​ភាព​ត្រជាក់​ ផ្អែម​ល្មម និង​មាន​ផ្លែឈើ​ស្រស់​ក្នុងមាត់របស់ពួកគាត់ក្នុង​ពេល​តែ​មួយតែម្ដង​ ។ ល្អ​បំផុត​សម្រាប់​អ្នក​ស្រលាញ់​សុខភាព​និង​សម្រស់​ព្រោះហាងបាន​ប្រេី​ប្រាស់​គ្រីម​ធម្មជាតិ​ ដែលមានសារធាតុ​ធាត់​តិចខ្លាំង​ត្រឹម​តែ​ 35.1%​ បេីប្រៀប​ធៀប​ជាមួយ​គ្រីម​ដទៃ​ទៀត​ដែល​មានសារធាតុ​ធ្វើ​អោយ​ធាត់​ទៅ​ដល់​ 100% ។ ចំណែក​ផ្លែ​ឈើ​ស្រស់ហាងបានជ្រើសរើសផ្លែឈើដែល​ដាំ​ដុះ​ដោយ​ធម្មជាតិ​(organic fruits) ដែល​អាច​រក​បាន​តែ​ក្នុង​ផ្សារ​ទំនេីប​ប៉ុណ្ណោះ ​។ ពិសេសហាងសុំធានារាល់ការផលិត​គឺមានការយកចិត្តទុកដាក់ខ្ពស់ប្រកដដោយ​អនាម័យ​ និង​តែងតែធ្វើការផលិតថ្មី​ជា​រៀងរាល់ថ្ងៃ​ ។ គួរបញ្ជាក់ថាបច្ចុប្បន្ន ហាង​​ទទួល​តែការកម្ម៉ង់​មុន​មួយ​ថ្ងៃតែ​ប៉ុណ្ណោះ​ ដែលហាង “នំសាន់វិច” (Numsandwich) បើកដំណើរការពីម៉ោង 11:00 ព្រឹក​រហូត​ដល់ម៉ោង 06:00 ល្ងាច​ ។

សម្រាប់ព័ត៌មានបន្ថែមទាក់ទងទៅកាន់៖ 012855238 ឬ 016855238

The post «Numsandwich» លើសពីសាន់វិចធម្មតា ញ៉ាំជាមួយផ្លែឈើ តាមស្ទាយប្រជាជនជប៉ុន first appeared on KAMPUCHEERS.