អាកោរខ្ទិះ ខ្ទិះកាន់តែច្រើន រសជាតិក៏កាន់តែពិសេស នៅផ្លូវចូលសាលាជ័យថាវី

មានអ្នកនៅចាំដែរទេ កាលនៅក្មេងម៉ាក់ទៅផ្សារក៏ចាំមើលផ្លូវគាត់មកវិញ ។ ចាំមើលថាគាត់បានអ្វីផ្ញើ ដល់ពេលបើកមើល ក៏លាន់មាត់ថា “អូយ!! អាកោរទៀតហើយ” ។ នឹកអនុស្សាវរីយ៍ទាំងនោះណាស់ នឹកទាំងរសជាតិអាកោរដូងដែលគេលក់តាមផ្សារទៀត ។

អ៊ីចឹងបានជាថ្ងៃនេះរឿងញ៉ាំរឿងធំសូមណែនាំអាកោរខ្ទិះដូងយើងហ្នឹង ។ និយាយពីខ្ទិះដូង ហៀរឡើងចេញក្រៅចានអាកោរទៀត ។ សាច់អាកោរទន់ស្រួលញ៉ាំមិនពិបាកលេប  ហើយឈ្ងុយខ្ទិះដូងធម្មជាតិពិតៗ ។ ប្រាប់ថាមិនផ្អែមឆ្ងាញ់ក៏គ្រប់គ្នាមិនជឿដែរ បើរូបភាពមកទំនងយ៉ាងនេះ ។ ចឹងចង់ប្រាប់ទៅថារសជាតិមិនធម្មតាទេ ជាតិហើយខាំមួយម៉ាត់ៗគឺជក់មាត់សាហាវ ចង់តែញ៉ាំទៀតទេ ។

សម្រាប់ទីតាំងគឺងាយស្រួលរកទេបើគ្នាយើងចង់ញ៉ាំគឺ៖​ នៅកែងសាលាបឋមសិក្សាបាក់ទូក  ផ្លូវចូលសាលាជ័យថាវី ។ ទៅដល់ឃើញហើយតូបគេលក់នៅហ្នឹងឯង តែបើមិនឃើញច្បាស់ណាស់ ច្បាស់ជាគេបិទសម្រាក់ឬក៏មិនទាន់ដល់ម៉ោងលក់ ហាហា ។

The post អាកោរខ្ទិះ ខ្ទិះកាន់តែច្រើន រសជាតិក៏កាន់តែពិសេស នៅផ្លូវចូលសាលាជ័យថាវី first appeared on KAMPUCHEERS.