![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](https://i1.wp.com/www.kampucheers.com/wp-content/uploads/2020/02/000.jpg?fit=660%2C440&ssl=1)
••• Margot Robbie ដែលយើងឃើញពេលនេះ គឺរាប់ថាជាម្នាក់ក្នុងចំណោមតារាហូលីវូដ ដែលត្រូវបានក្រុមហ៊ុនផលិតកុន ត្រូវការរួមការងារជាមួយបំផុត ហើយនាងក៏ធ្លាប់ជាបុគ្គលដ៏មានឥទ្ធិពលបំផុតក្នុងចំណោម១០០នាក់ នៃទស្សនាវដ្ដី TIME និងធ្លាប់បានគេចាត់ឲ្យស្ថិតក្នុងលំដាប់ទី៨ នៃតារាស្រីរកចំណូលបានខ្ពស់បំផុតផងដែរ។
យ៉ាងណាមិនញ ទម្រាំមានថ្ងៃនេះ នាងធ្លាប់ឆ្លងកាត់ឧបសគ្គជាច្រើនក្នុងជិវិត ដូចនេះ ពេលនេះយើងនឹងនាំមិត្តភក្តិអ្នកកុននិយម ទាំងអស់ មកស្គាល់ពី Margot Robbie ឲ្យកាន់តែច្បាស់ជាងមុន មុននឹងបានទៅទស្សនា BIRDS OF PREY ដែលជាភាពយន្តថ្មីបំផុតរបស់នាង ក្នុងតួអង្គ Harley Quinn
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/1-1.jpg)
ឈ្មោះពេញរបស់នាងគឺ Margot Elise Robbie
ដោយពាក្យថា Margot គឺអានថា “ម៉ាហ្កូ” មិនមែន “ម៉ាហ្កត” នោះទេ
កើតថ្ងៃទី០២ កក្កដា ១៩៩០ បច្ចុប្បន្នមានអាយុ ២៩ ឆ្នាំ
នាងជានារី អូស្ត្រាលី តាំងពីកំណើត ដោយឪពុកម្តាយនាង គឺជាអ្នកចម្ការ ទើបធ្វើឲ្យ Margot ធំធាត់ឡើងក្នុងបរិយាកាសនៃសួនចម្ការផ្លែឈើ។ ក្នុងវ័យសិក្សា នាងបានសិក្សាផ្នែកការសម្តែង និងរៀនចប់នៅ Somerset College
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/2-1.jpg)
អាយុ១៦ឆ្នាំ នាងធ្វើការដល់ទៅ៣មុខក្នុងពេលតែមួយ ដើម្បីសម្រាលបន្ទុកគ្រួសារដែលមានតែម្តាយជាមេគ្រួសារ ដោយក្នុងរយៈពេលនោះ នាងក៏ធ្លាប់ជាបុគ្គលិកហាង SUBWAY ហើយសូម្បីការងារបោសជូតតាមផ្ទះ ក៏នាងធ្លាប់ធ្វើដែរ ដោយក្នុងពេលវេលានោះឯង ដែលនាងបានទៅធ្វើការនៅក្រុមថតតូចមួយ ដែលនោះហើយ ដែលជាការចាប់ផ្តើមនៃអាជីពតារាសម្តែងរបស់នាង
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/8.jpg)
នាងធ្លាប់ប្រាប់ថា ក្នុងមួយថ្ងៃនាងក្រេបតែដល់ទៅ១០ពែង ក៏មានដែរ ព្រោះគ្រួសារនាងគឺមានចំណូលចិត្តការផឹកតែតាំងពីណាពីណី ហើយម៉ាកតែដែលនាងចូលចិត្តបំផុតគឺ Dilmah ដោយនាងតែដាក់តាមខ្លួនគ្រប់ពេល និងគ្រប់កន្លែងដើម្បីបានផឹកវារាល់ថ្ងៃតែម្តង
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/4.jpg)
Margot ធ្លាប់បង្ហើបថា នាងជាហ្វេនផ្កាប់មុខ HARRY POTTER ទាំងសៀវភៅ និងភាពយន្ត។ នាងប្រាប់ថា ក្នុងមួយភាគ នាងធ្លាប់អានលើសពី២០ដងឯណោះ ហើយការដែលបានអានសៀវភៅនេះ គឺធ្វើឲ្យនាងគេងលក់សុបិនល្អ។ នៅពេលដែលមានគេសួរនាងថា “បើឲ្យរើសនៅជាមួយនរណាម្នាក់តែ២នាក់តទល់ជាមួយគ្នាមួយថ្ងៃពេញ តើនាងនឹងរើសនៅជាមួយអ្នកណា” ហើយចម្លើយរបស់នាងគឺ “J.K. Rowling អ្នកសរសេរសៀវភៅ Harry Potter” ដោយនាងមានសំណួរប្រហែល ៧៣ លានសំណួរ ដើម្បីសួរទៅ J.K.
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/6.jpg)
អ្នកប្រហែលមិនធ្លាប់ដឹងឡើយថា ពណ៌សក់ពិតរបស់ Margot គឺពណ៌ស្ក (មាសស្តើង) តែដោយហេតុថា Hollywood ចូលចិត្តសក់ពណ៌ទង់ដែង ទើបនាងចូលចិត្តធ្វើពណ៌សក់ទង់ដែងតែម្តង ជាហេតុធ្វើឲ្យមានភាគតិចណាស់ដែលបានឃើញនាងក្នុងរូបរាងនៃពណ៌សក់ពិតតាំងពីកំណើត
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/5.jpg)
ធ្លាប់មាន Paparazzi ថតរូបនាងពេលលេងក្តាស្គីលើទឹកដែលរូបថតចេញមក គឺសុទ្ធតែកាយវិការ និងមុខឡប់ៗអាក្រក់ៗមើល ហើយយកទៅបង្ហោះពេញអ៊ីនធឺណេត តែនាងមិនបានយកទោសពៃអ្វីឡើយ ថែមទាំងយករូបឡប់ៗទាំងនោះ ទៅបង្ហោះបន្តលើ Instagram ផ្ទាល់ខ្លួន និងដាក់ Credit ឲ្យ Paparazzi នោះ ហើយសរសេរអគុណ ដែលពួកគេថតបាននូវមុំដែលមិនធ្លាប់ឃើញទៀតផង។ ក្រៅពីនេះ នាងជាបុគ្គលស្រឡាញ់សត្វ និងមានសុទិដ្ឋិនិយមលើការរៀបការនៃគូស្នេហ៍ភេទដូចគ្នាផងដែរ។
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/9.jpg)
Brand គ្រឿងសម្អាងនិងលម្អដែលតារាសម្តែងស្រីម្នាក់នេះចូលចិត្តបំផុតគឺ Chanel ដោយ Designer ដែលទុកថាជាអាដុលរបស់នាងគឺ Coco Chanel
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/10.jpg)
រាល់ពេលចូលដំណេកម្តងៗ វាមិនមែនចេះតែទៅដល់ប្រាសខ្លួនលើគ្រែតែម្តងឡើយសម្រាប់ Margot ព្រោះនាងតែងត្រៀមនូវ ម៉ាសបិទភ្នែក តន្រ្តីល្វើយៗ គ្រីមវីតាមីននិងទឹកអប់ប្រហើរៗ សម្រាប់ការគេងរបស់នាងផងដែរ។ នាងប្រាប់ថា ការធ្វើបែបនេះ គឺដើម្បីឲ្យដំណេករបស់នាងប្រព្រឹត្តិទៅរលូន ព្រោះនាងជាមនុស្សពិបាកលង់លក់ក្នុងដំណេកណាស់
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/7.jpg)
មុននឹងបានមកសម្តែងជា Harley Quinn ដ៏សែនពេញនិយមរបស់ DC នាងក៏ធ្លាប់ត្រូវបានគេដាក់ស្នើរតួអង្គ Susan Storm នៃក្រុម FANTASTIC 4 ដែល Reboot ក្នុងឆ្នាំ ២០១៥ ឲ្យនាងទៅសម្តែងផងដែរ តែក្រោយមកទើបនាងសម្រេចចិត្តមិនទទួលលេង ទើបតួអង្គនេះ ធ្លាក់ទៅក្នុងដៃតារាស្រីផ្សេង។ ស្រមៃមើលថា បើ Margot បានទៅលេងតួនោះមែន មិនដឹងម៉េចម៉ាទេរាល់ថ្ងៃនេះ ហាហា
![រឿងពិត១០យ៉ាងនៃ Margot Robbie តារាសម្តែងតួអង្គ Harley Quinn ដែលអ្នកអាចមិននឹងមិនធ្លាប់ដឹង](/wp-content/uploads/2020/02/3-1.jpg)
ភាពយន្តរឿងដំបូងដែលនាងសម្តែងគឺជាកុនអូស្តា្រលី រឿង Vigilante ឆ្នាំ២០០៨
ភាពយន្តដែលធ្វើឲ្យគេចាប់ផ្តើមស្គាល់នាងគឺ The Wolf of Wall Street ក្នុងឆ្នាំ ២០១៣ សម្តែងរួមគ្នាជាមួយ Leonardo DiCaprio
ភាពយន្តដែលធ្វើឲ្យនាងបានជួបស្នេហាជាមួយជំនួយការដឹកនាំសម្តែង លោក Tom Ackerley គឺរឿង Suite Française ក្នុងឆ្នាំ ២០១៥
ភាពយន្តខ្នាតយក្សលើកដំបូងគឺ The Legend of Tarzan ក្នុងឆ្នាំ ២០១៦
ភាពយន្តដែលធ្វើឲ្យមនុស្សទូទាំងពិភពលោកចាប់អារម្មណ៍និងស្គាល់នាងគឺ Suicide Squad ក្នុងឆ្នាំ ២០១៦ ជាមួយការដើរតួអង្គនារីបែកស្លុយស៊ិចស៊ី និងស៊ីអារម្មណ៍ Harley Quinn
ភាពយន្តដែលពិសោធន៍ថ្វីដៃ និងធ្វើឲ្យគ្រប់គ្នាទទួលស្គាល់ការសម្តែងរបស់នាងគឺ I, Tonya ក្នុងឆ្នាំ ២០១៧ ដែលបានឈរឈ្មោះក្នុងការដណ្តើម Oscars លើកដំបូងក្នុងជីវិត
ក្រៅពីនេះនាងបានរួមសម្តែងជាមួយតារាកំពូលៗ មិនថា ជាមួយ Brad Pitt និង Leonardo ក្នុង Once upon a Time in Hollywood និងជាមួយ Nicole Kidman និង
Charlize Theron ក្នុង Bombshell សម្រាប់ឆ្នាំ២០១៩ ផងដែរ ហើយប្រាកដណាស់ នៅសល់តែប៉ុន្មានថ្ងៃទៀត យើងនឹងបានឃើញតារាស្រីស៊ិចស៊ីម្នាក់នេះ ត្រឡប់មកដើរតួ Harley Quinn ក្នុង BIRDS OF PREY ជាក់ជាមិនខាន។
Great content! Super high-quality! Keep it up! 🙂