![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-1-1024x682.jpg)
លោក Joe Russo និងលោក Anthony Russo ដែលត្រូវបានគេស្គាល់ថាជា Russo Brothers បានបង្កើតប្រវត្តិសាស្រ្តឲ្យភាពយន្តរបស់ក្រុមហ៊ុន Marvel ដោយរកចំណូលបានច្រើនជាងគេបង្អស់នៅលើពិភពលោក។ Russo Brothers បានចាប់ផ្តើមធ្វើជាអ្នកដឹកនាំរឿងដំបូងនៅក្នុង Marvel Studios ជាមួយរឿង Captain America: The Winter Soldier ដែលជាខ្សែភាពយន្តដែលទទួលបានការគាំទ្រយ៉ាងខ្លាំងពីសំណាក់អ្នកគាំទ្រ។ ភាពជោគជ័យនៃការដឹកនាំរឿងនេះបាននាំឱ្យពួកគេចូលរួមដឹកនាំខ្សែភាពយន្តដ៏ធំផ្សេងទៀតរបស់ MCU ដូចជារឿង Captain America: Civil War, Avengers: Infinity War និងខ្សែភាពយន្តដែលរកចំណូលបានខ្ពស់បំផុតនៅទូទាំងពិភពលោកគឺ Avengers: Endgame ផងដែរ។ បន្ទាប់ពីភាពជោគជ័យរបស់ពួកគេនៅក្នុង MCU ហើយក៏មានដំណឹងថា ពួកគេនឹងបញ្ចប់កុងត្រាជាមួយនឹង MCU ត្រឹមរឿង Avengers: Endgame តែក៏មានអ្នកគាំទ្រមួយចំនួនចង់ឲ្យ Russo Brothers វិលត្រឡប់មក MCU វិញផងដែរ។ ហើយឥឡូវនេះមានរបាយការណ៍ថ្មីមួយបានលេចចេញមក ហើយបង្ហាញថាបងប្អូន Russo Brothers នៅតែរក្សាទំនាក់ទំនងជាមួយមនុស្សនៅឯ Marvel Studios ដដែល។
![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-4.jpg)
![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-7-1024x576.jpg)
![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-3-1024x576.jpg)
![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-1-1024x396.png)
បើតាមសេចក្តីរាយការណ៍ពី Comicbook.com បានឲ្យដឹងថាលោក Joe Russo បានចែករំលែកថា “យើងបាននិយាយជាមួយ ប្រធាននៃ Marvel លោក Kevin Feige និងសហប្រធាន Marvel Studios លោក Lou D’Esposito គ្រប់ពេលនៅឯ Marvel។ យើងបានរួមគ្នាជាមួយ Lou សម្រាប់អាហារពេលល្ងាចជាទៀងទាត់ម្តងក្នុងមួយខែហើយមានការសន្ទនាជាមួយគ្នាជានិច្ច។ “
![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-2-1024x680.jpg)
![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-6.jpg)
![ទោះជាឈប់ដឹកនាំរឿងឲ្យ Marvel ក៏ Russo Brothers នៅតែមានទំនាក់ទំនងជាមួយគ្នា](/wp-content/uploads/2020/04/Russo-Brother-8-1024x682.jpg)
តើអាចទេដែលថាវាជាតម្រុយឲ្យយើងដឹងថា Russo Brothers អាចនឹងមកដឹកនាំរឿង Avengers វគ្គបន្ទាប់???