ពិតជាគួឲ្យសោកស្ដាយខ្លាំងណាស់នៅពេលដែលបានដឹងដំណឹងថាកម្មវិធី San Diego Comic-Con គឺជាកម្មវិធីតាំងពិព័រណ៍និងសន្និសីទសារព័ត៌មានដែលដែលប្រព្រឹត្តទៅនៅរដ្ឋកាលីហ្វ័រញ៉ារាល់ឆ្នាំ ត្រូវធ្វើឡើងនៅថ្ងៃទី 23 – 26 ខែកក្កដា ហើយឥឡូវនេះត្រូវបានលុបចោលដោយសារតែជំងឺ COVID-19 រាតត្បាតរាលដាល ។
លើសពីនេះទៅទៀតអីដែលគួឲ្យសោកស្តាយខ្លាំងទៀតនោះ គឺបានលេចឮដំណឹងថា Marvel Studios កុំតែ SDCC ត្រូវបានលុបចោលទេកុំអី Marvel Studios បានបោះជំហានទៅមុខមួយជំហានទៀតហើយដោយលោក Kevin Feige ដែលជាអ្នកឡើយធ្វើបទបង្ហាញនៅក្នុង Hall H បានរៀបចំបង្ហាញ Teaser ដំបូងរួមទាំងសំណួរចម្លើយដំបូងសម្រាប់ភាពយន្ត The Eternals ហើយនិងបង្ហាញបន្ថែមពេញលេញសម្រាប់ភាពយន្តភាគ The Falcon And The Winter Soldier ។
តែបើទោះជាយ៉ាងណាក៏ដោយទោះបីជា SDCC ត្រូវបានលុបចោលក៏ពិតមែន ប៉ុន្តែពួកយើងក៏មិនប្រាកដថា Marvel Studios គេហ្នឹងមិនបញ្ចេញភាពភ្ញាក់ផ្អើលទាំងអស់នោះនៅថ្ងៃខាងមុខដែរ ហើយណាមួយ Teaser ដំបូងសម្រាប់ភាពយន្ត The Eternals ត្រៀមតែទំលាក់ទេគ្រាន់តែរកថ្ងៃល្អមិនទាន់បាន ៕
