ក្នុងស្ថានការណ៍ វីរុសកូរ៉ូណា កំពុងរាតត្បាតបែបនេះ នរណាៗក៏រអ៊ូថាអត់រឿងភាគមើលដែរ មែនឬទេ? តែជាមួយនឹងរឿងភាគ ឥណ្ឌា ដ៏វែងអន្លាយទាំងប៉ុន្មាននេះ ពួកយើងធានាថាវាប្រហែលអាចធ្វើឲ្យអ្នកទាំងអស់គ្នាបាត់អារម្មណ៍អផ្សុក និងអាចមើលតកូនតចៅបាន។
1. រឿង «ជីវិតស្ត្រីមេផ្ទះ» ដែលធ្វើឲ្យអ្នកតាមដានចំណាយពេលរាប់ឆ្នាំក្នុងការទស្សនានោះ មានរហូតដល់ 1424 ភាគឯណោះ ចាប់ផ្ដើមចាក់បញ្ចាំងនៅប៉ុស្តិ៍ទូរទស្សន៍ Zee TV របស់ឥណ្ឌាតាំងពីថ្ងៃទី 1 ខែមិថុនា ឆ្នាំ 2009 រហូតបញ្ចប់នៅថ្ងៃទី 24 ខែតុលា ឆ្នាំ 2014 ។
2. រឿង «អាឡាដាំង» មានរហូតដល់ 422 ភាគឯណោះ ចាប់ផ្ដើមចាក់បញ្ចាំងនៅប៉ុស្តិ៍ទូរទស្សន៍ SAB TV របស់ឥណ្ឌាតាំងពីបញ្ចាំងថ្ងៃទី 21 ខែសីហា ឆ្នាំ 2018 ។
3. រឿង «វីរៈនារីម៉ានូបៃ» មានរហូតដល់ 480 ភាគឯណោះ ចាប់ផ្ដើមចាក់បញ្ចាំងនៅប៉ុស្តិ៍ទូរទស្សន៍ Zee TV របស់ឥណ្ឌាតាំងពីថ្ងៃទី 18 ខែសីហា ឆ្នាំ 2009 រហូតបញ្ចប់នៅថ្ងៃទី 19 ខែមិថុនា ឆ្នាំ 2011 ។
4. រឿង «ជីវិតនាងវីឌីយ៉ា» មានរហូតដល់ 700 ភាគឯណោះ ចាប់ផ្ដើមចាក់បញ្ចាំងនៅប៉ុស្តិ៍ទូរទស្សន៍ Zee TV របស់ឥណ្ឌាតាំងពីថ្ងៃទី 14 ខែសីហា ឆ្នាំ 2006 រហូតបញ្ចប់នៅថ្ងៃទី 28 ខែឧសភា ឆ្នាំ 2009 ។
5. រឿង «ជីវិតកូនឥតខាន់ស្លា» អាចរាប់បញ្ចូលថាជាខ្សែភាពយន្តភាគដែលមានរហូតទៅដល់ 463 ភាគច្រើនគួរឲ្យកត់សម្គាល់ភាពយន្តនេះចាក់បញ្ចាំងជាលើកដំបូងនៅថ្ងៃទី 12 ខែកញ្ញា ឆ្នាំ 2016 រហូតទៅដល់ 18ខែឧសភា ឆ្នាំ2018 ។
6. រឿង «ព្រះរាជបុត្រចន្ត្រា» សម្រាប់ខ្សែភាពយន្តនេះមាន 286 ភាគប៉ុណ្ណោះដែលធ្វើការចាក់បញ្ចាំងជាលើកដំបូង នៅថ្ងៃទី 10 ខែតុលា ឆ្នាំ2016 រហូតដល់ ថ្ងៃទី 10 ខែវិច្ឆិកា ឆ្នាំ 2017 ។
7. រឿង «បន្លាស្នេហ៍ក្នុងបេះដូង» មួយនេះមានចំនួន 469 ភាគច្រើន ដែលទទួលបានការគាំទ្រយ៉ាងខ្លាំងពីសំណាក់ប្រិយមិត្តដែលនិយមចូលចិត្តទស្សនាខ្សែភាពយន្តភាគឥណ្ឌា សម្រាប់ភាពយន្តមួយនេះដែលចាក់បញ្ចាំងជាផ្លូវការលើកដំបូងចាប់ផ្តើមពីថ្ងៃទី 3 មីនា ឆ្នាំ2015 រហូតដល់ ថ្ងៃទី 14 ធ្នូ ឆ្នាំ2016 ។
8. រឿង «ព្រះពុទ្ធ» មួយនេះមានមានតិចភាគបន្តិចហើយ មានតែចំនួន 55 ភាគទេ តែពិតជាទទួលបានការគាំទ្រយ៉ាងខ្លាំងពីសំណាក់ប្រិយមិត្តដែលនិយមចូលចិត្តទស្សនាខ្សែភាពយន្តភាគឥណ្ឌាខ្លាំងភាពយន្តមួយនេះដែលចាក់បញ្ចាំងជាផ្លូវការលើកដំបូងតាមកញ្ចក់ប៉ុស្តិ៍ទូរទស្សន៍ Zee TV របស់ឥណ្ឌាចាប់ផ្តើមពីថ្ងៃទី 8 កញ្ញា ឆ្នាំ2013 ។
ក្នុងចំណោមភាពយន្តភាគឥណ្ឌាខាងលើតើមួយណា ដែលអ្នកធ្លាប់ ឬក៏កំពុងតាមដាន?
