ភាពយន្ត THE GRUDGE ដែលបានចេញកាលពីថ្ងៃទី1 ខែមករា ឆ្នាំ2020 ដោយទស្សនិកជនបានទស្សនានៅក្នុងរោងកុនមុន COVID 19 លុកលុយនោះគឺជា Version របស់អាមេរិក ហើយយើងនឹងនាំទាំងអស់គ្នាមកឲ្យស្គាល់រឿង JU-ON: The Grudge ដែលជា Version ដើមរបស់ជប៉ុនវិញម្ដង ដែលបានចាក់បញ្ចាំងកាលពី ថ្ងៃទី18 ខែតុលា ឆ្នាំ2002 ដឹកនាំដោយលោក Takashi Shimizu ហើយរកចំណូលបាន $3,657,876 ។
ហេតុការណ៍ដ៏គួរឲ្យខ្លាចមួយគឺជាពាក្យដែលគេនិយាយតៗគ្នា (Urban Legend) បានកើតនៅប្រទេសជប៉ុន ដោយមានគ្រួសារមួយ មានប្តីឈ្មោះ Takeo Seaki ប្រពន្ធឈ្មោះ Kayako និងកូនប្រុសម្នាក់ឈ្មោះ Toshio។ ស្ត្រីជាប្រពន្ធបានទៅលង់ស្រលាញ់ជាមួយបុរសម្នាក់ទៀត ដែលធ្វើឲ្យបុរសជាប្តីខឹងនឹងប្រពន្ធយ៉ាងខ្លាំង ហើយបានសម្លាប់ប្រពន្ធ កូន និងឆ្មាររបស់គាត់យ៉ាងសាហាវឃោរឃៅបំផុត។ បន្ទាប់មកព្រលឹងប្រពន្ធ និងកូនរបស់គាត់ក្លាយជាវិញាណតៃហោង ហើយ Takeo Seaki ដែលជាប្តីក៏បានសម្លាប់ខ្លួនឯងផង ដោយកាប់ជើង និងអារកខ្លួនឯងតាមក្រោយ។ តំណរក្រោយមកទៀត អ្នកដែលបានទៅរស់នៅក្នុងផ្ទះរបស់គ្រួសារនេះ តែងតែជួបរឿងចម្លែកៗជាច្រើន ហើយក៏មានអ្នកស្លាប់ក្នុងផ្ទះនោះទៀតផង។
និយាយតែប៉ុណ្ណឹងបានហើយ ព្រោះខ្លាចអ្នកទាំងអស់គ្នាដឹងសាច់អស់លេងល្អមើល កុំភ្លេចទៅមើលផងរឿង JU-ON ជំនាន់ជប៉ុននេះល្អមើលខ្លាំងណាស់ ដោយពិន្ទុនៅក្នុង IMDb បានទៅដល់ 6.7/10 ហើយបើពេលមើលគួរតែមានគ្នាពីរនាក់៕
