កាលពីឆ្នាំ 2019 ស្ទូឌីយោ Marvel បានបញ្ចេញភាពយន្ដដ៍ធំប្រចាំឆ្នាំនៃ Phase ទី 3 គឺ Avengers: Endgame ជាភាពយន្ដដែលបំពេញបេះដូងហ្វេន និងរកចំណូលបានច្រើនលើសលប់ទៀតផង ដោយក្នុងនោះ មានការពលីជីវិតអាយដលរបស់ហ្វេនគ្រប់រូបដូចជា Natasha Rominoff (Black Widow) និង Tony Stark (Iron Man) ជាដើម ។
ក្នុងនោះមានទស្សនិកជនទូទាំងសកលលោកបានចោទជាសំណួរជាច្រើនថា តើយើងអាចនឹងឃើញឈុតអាវក្រោះដែកនេះទៀតរឺទេ ? ហើយក៍មានលេចឮព័ត៌មានខ្លះទាក់ទងនឹង Iron Heart (Riri Williams) ប្រហែលនឹងបង្ហាញវត្តមានជា TV Serie ក្នុង Disney+ ។
បើយោងតាម The Cinema Spot បានបញ្ជាក់ថា Iron Heart (Riri Williams) គ្រោងនឹងផលិតនៅឆ្នាំ 2021 រឺឆ្នាំបន្ទាប់ទៀតបើសិនបញ្ហាជម្ងឺ Covid-19 មិនទាន់ស្បើយ ហើយក៏មិនទាន់មានព័ត៌មានណាមួយអះអាងថា នរណាម្នាក់ជាអ្នកសរសេរស្រ្កីបនិងជាអ្នកសម្ដែងតួអង្គនេះច្បាស់នៅឡើយទេ ។
Iron Heart (Riri Williams) ជានិស្សិតវិស្វកម្សស្រីមានអាយុត្រឹមតែ 15 ឆ្នាំប៉ុណ្ណោះ ប៉ុន្តែនាងចេះច្នៃឈុតក្រោះដោយខ្លួនឯង ស្រដៀងនឹងឈុតក្រោះរបស់ Iron Man ដោយប្រើសម្ភារៈដែលលួចពីសកលវិទ្យាល័យ MIT តែប៉ុណ្ណោះ ។ តួអង្គនេះបានបង្ហាញខ្លួននៅក្នុង Animation របស់ Marvel ខ្លះៗដូចជា: Spider-Man: Maximum Venom ក៍ដូចជា Marvel Rising ចាប់តាំងពីឆ្នាំ 2015 មក ។
លើសពីនេះ Robert Downey Jr. ធ្លាប់បាននិយាយថា គាត់ពិតជាចង់ឲ្យ Iron Heart មានចំណែកនៅក្នុងចក្រវាឡ MCU ដែរ ។ កន្លងមកនេះ មានវេបសាយមួយចំនួនចុះផ្សាយដែរថា Robert Downey Jr. នឹងវិលត្រឡប់មកកាន់ស្ទូឌីយោយក្ស Marvel វិញ ប៉ុន្ដែ!!! ប្រហែលមកម្ដងនេះ គឹអាចនឹងមកក្នុងឋានៈជា A.I (Artificial Intelligence) នៅក្នុងឈុតក្រោះរបស់ Iron Heart ទេ (យោងតាមខមមីក) ។
ទន្ទឹមនឹងនេះ យើងក៏ធ្លាប់ចចាមអារ៉ាមចាស់មួយបានចុះផ្សាយផងដែរថា Morgan Stark ជាកូនស្រីគួរស្រឡាញ់របស់ Tony Stark ផ្ទាល់ គេនឹងអាចជ្រើសជាតួសម្ដែង Iron Heart តែម្ដង បើមិនមាននរណាម្នាក់ផ្សេងមកសម្ដែងតួអង្គនេះ ។ យ៉ាងណាក៍ដោយ ព័ត៌មានទាំងអស់ខាងលើមិនទាន់ជាច្បាស់ការណ៍ 100% ទេដោយសារមិនទាន់បានបញ្ជាក់ឲ្យច្បាស់ពីភាគីខាង Marvel និង Disney ។
តើអ្នកទាំងអស់គ្នា រំពឹងថានឹងឃើញតួអង្គ IRON HEART មកគ្រងដំណែងជំនួស Tony Stark ក្នុងនាមជាអ្នកជួយសង្គ្រោះពិភពលោកដែរឬទេ ?
ប្រសិនបើជាអ្នកទាំងអស់គ្នាចង់ដឹងប្រវត្តិ COMIC របស់ Iron Man អាចមើលវីដេអីខាងក្រោមបាន៖
