![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-1-2-1024x682.jpg)
វាមិនមែនជារឿងផ្តេសផ្តាសឡើយ ដែលយើងហ៊ានមានកូនចិត្តប៉ងថា ព្រះនាងថ្មីរបស់ Disney អាចមានដើមកំណើតនៅប្រទេសខ្មែរ។ កាលពីម្សិលមិញ ខាង Walt Disney បានបញ្ចេញផូស័្ទរថ្មីនៃ ភាពយន្តគំនូរជីវចលបែបផ្សងព្រេងហ្វេនតាស៊ី ដែលមានចំណងជើងថា RAYA AND THE LAST DRAGON។ ភាពយន្តនេះ និយាយអំពី ការផ្សងព្រេងក្នុងអាណាចក្រ Lumandra របស់អ្នកចម្បាំងស្រីវ័យក្មេង RAYA (រេយ៉ា) ក្នុងការទៅស្វែងរក ពង្សនាគចុងក្រោយ។
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-1.png)
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-2-1024x576.jpg)
ស្របពេលជាមួយគ្នានេះដែរ កាលពីព្រឹកមិញ ក៏មានគណនីហ្វេសប៊ុករបស់លោក Chen Chanratana បានធ្វើការបង្ហោះថា “ខ្សែភាពយន្តគំនូរជីវចលដំបូងគេរបស់ក្រុមហ៊ុន Walt Disney ដែលបង្ហាញអំពីដំណើរផ្សងព្រេងរបស់ព្រះនាងតូច និងវង្សត្រកូលនាគ នៅតំបន់អាស៊ីអាគ្នេយ៍។ ហើយនេះក៏ជារឿងមួយដែលខ្ញុំបានចូលរួមជាមួយក្រុមការងារក្នុងនាមជា “ទីប្រឹក្សា” ផ្នែកប្រវត្តិសាស្ត្រសិល្បៈ និងវប្បធម៌របស់ក្រុមហ៊ុនលំដាប់ពិភពលោកនេះដែរ។” ព្រមជាមួយការបង្ហោះរូបក្រុមការងារបរទេសមួយក្រុម ដែលលោកអះអាងថាជាក្រុមការងារមកពី Disney ចុះសិក្សាទីតាំងវប្បធម៌ ដើម្បីធ្វើជាអំណះអំណាងទៅបង្កើតភាពយន្តនោះឯង។
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-4.jpg)
ការដែលមានអ្នកចេញមកអះអាងបែបនេះ ធ្វើឲ្យបណ្តាអ្នកកុននិយយើង មិនគិតមិនបានឡើយថា Raya អាចនឹងមានទំនាក់ទំនង ឬសាវតាអ្វីមួយពាក់ព័ន្ធនឹងប្រទេសកម្ពុជាដែរមិនខាន។
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-5.jpg)
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-6.jpg)
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-7.jpg)
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-8.jpg)
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-10.jpg)
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-9.jpg)
យ៉ាងណាមិញ សម្រាប់ការស្មាននេះ ក៏មិនមានភាគរយខ្ពស់អ្វីដែរ ព្រោះយើងក៏បានទៅស៊ើបមកដែរថា មិនមែនតែប្រទេសកម្ពុជាមួយទេដែល ក្រុមការងារចុះសិក្សា តែគឺបណ្តាប្រទេសច្រើនទៀតក្នុងអាស៊ីអាគ្នេយ៍ដូចជា ថៃ ឥណ្ឌូនេស៊ី -ល- ក៏ត្រូវបានចុះសិក្សារួចមកហើយដែរ។ ត្រង់ចំណុចនេះ ក៏បានធ្វើឲ្យអេដមីនគិតថា គេអាចនឹងបង្កើតព្រះនាង Disney ថ្មី ដោយការផ្សែផ្សំវប្បធម៌ចម្រុះនៃអាស៊ីអាគ្នេយ៍ ដើម្បីចេញជា RAYA ម្នាក់នេះមកនោះឯង ក៏ថាបាន។
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/RAYA-2.png)
សរុបមក បើទោះបីជាការស្រម៉ៃថា RAYA ជាព្រះនាងឈាមជ័រខ្មែរ អាចទៅរួច ឬមិនអាចទៅរួចក្តី តែអ្វីដែលច្បាស់នោះ គឺយ៉ាងហោច ភាពយន្តនេះ ក៏មានការលើកយកសិល្បៈវប្បធម៌ពីខ្មែរយើងទៅច្នៃប្រឌិតជាមិនខាន (យោងតាមរូបប្រាសាទបែកបាក់ក្នុងរូប Concept Art)
![សង្ស័យថា RAYA ព្រះនាង Disney ថ្មី មានដើមកំណើតនៅខ្មែរ](/wp-content/uploads/2020/07/116033201_2363713923774155_3321889544266254674_o-1024x1024.jpg)
តើមិត្តអ្នកទាំងអស់គ្នា គិតថាគេនឹងឆ្លុះបញ្ចាំងវប្បធម៌ខ្មែរយើងតាមបែបផែនអ្វី??