នាំអារម្មណ៍គ្រប់គ្នាទៅរករបស់ឆ្ងាញ់ដូចសព្វមួយដង តាមធម្មតាដូចរាល់សប្ដាហ៍ទៀតហើយ ជាមួយកម្មវិធីប៉ុស្ដ៍ញ៉ាំ ។ ចាំបានអត់ កាលសប្ដាហ៍ទី1ធ្លាប់នាំអារម្មណ៍គ្រប់គ្នាទៅញ៉ាំសាច់អាំងលើរថភ្លើង ចំណែកសប្ដាហ៍នេះសាច់អាំងដែរ តែមានរសជាតិផ្សេងអារម្មណ៍ Mood ញ៉ាំផ្សេង ថ្មី ប្លែកសម្រាប់អ្នកទាំងអស់គ្នា ។
ស្គាល់ I Seoul You អត់ ? ឈ្មោះគេចេញមកឡើងកូរ៉េតែម្ដង ចឹងនិយាយពីហាងក៏ច្បាស់ជាមានការរៀបចំតុបតែងបែបកូរ៉េៗដែរ ។ ជញ្ជាំងរៀបចំពោរពេញដោយភ្លើងពណ៌ រចនាបថបែបទាន់សម័យឡើងកាលីប ហើយក្រាលគ្រោះដូចញ៉ាំសាច់អាំងតាមផ្លូវនៅកូរ៉េអ៊ីចឹងហា៎ ហើយកន្លែងអង្គុយនៅខាងវេរ៉ង់ដា Outdoor មើលទៅខាងក្រៅ ល្ហើយៗស្រស់ស្រាយអារម្មណ៍តែម្ដង ពេលបានអង្គុយអាំងសាច់ញ៉ាំ ។
និយាយពីសាច់អាំងគេវិញ មានជាឈុតតម្លៃយ៉ាងសមរម្យសម្រាប់ 2 នាក់ក៏បាន 4 នាក់ក៏បានគេមានតាមហ្នឹងម៉ាស្រួលសម្រាប់ភ្ញៀវទៅញ៉ាំតែម្ដង ហើយការរៀបចំមានសោភ័ណ្ឌភាពយ៉ាងស្រស់ស្អាត មានអនាម័យ រួមទាំងសាច់មានគុណភាពខ្ពស់ ស្រស់ៗល្អទៀត អាំងឈ្ងុយញ៉ាំមានជាតិសាហាវហាណា៎ ។
ក្រៅពីនោះក៏មានម្ហូបពិសេសៗប៉ន្មានមុខទៀតដែរ រួមមាន មីហឹរកូរ៉េ បង្គារស្រស់ សាលម៉ុន បាយឆា និងគីមឈីកូរ៉េរូបមន្ដដើម ។ ទ្រួសៗបានប៉ុន្នឹង សុទ្ធតែពិសេសៗ រសជាតិជក់មាត់ជក់ចិត្តហើយនិយាយមែន ។ សាកទៅដឹងហើយ ព្រោះប្រាប់មិនច្បាស់ដូចភ្លក់ផ្ទាល់ទេ អាចទៅដល់ហាងផ្ទាល់បាន ។ នាំមកជូនដោយ Anchor Beer (Cambodia)
ទស្សនាវីដេអូ៖
ទីតាំងហាង៖
