៤៥ថ្ងៃនៃអក្សរខ្មែរ បានត្រឡប់មកវិញជាថ្មីម្តងទៀត សម្រាប់អ្នកឌីហ្សាញនៅប្រទេសកម្ពុជាដែលនិយមចូលចិត្តការរចនាអក្សរខ្មែរ ក្នុងគោលបំណងចង់ផ្សព្វផ្សាយឲ្យបានកាន់តែទូលំទូលាយនូវ ព្រមជាមួយនឹងការបង្ហាញនូវស្នាដៃ និងភាពច្នៃប្រឌិត ក៏ដូចជាភាពដែលអាចទៅរួចនៃការប្រើប្រាស់អក្សរខ្មែរក្នុងការរចនាផ្សេងៗ។ គម្រោងនេះត្រូវបានទទួលឥទ្ធិពលពីគម្រោង 36 Days of Type ឬ ៣៦ថ្ងៃនៃអក្សរ ដោយ Nina Sans និង Rafa Coicoechea ហើយសម្រាប់គម្រោង ៤៥ថ្ងៃនៃអក្សរខ្មែរ នេះត្រូវបានដឹកនាំដោយក្រុម Creative Community Cambodia។
ក្នុងរយៈពេល៤៥ថ្ងៃ សិល្បកររចនាពុម្ពអក្សរនឹងបង្ហាញអំពីការរចនាអក្សរខ្មែរដែលមាន ព្យព្ជានៈចំនួន ៣៥តួ និងស្រៈចំនួន ១០តួ (ព្យព្ជានៈ ២តួបន្ថែមលើ ៣៣តួ ដែលប្រើបច្ចុប្បន្នគឺ ឝ និង ឞ) រាប់ចាប់ពី ថ្ងៃទី១ ខែមិថុនា ឆ្នាំ២០២០ រហូតដល់ ថ្ងៃទី១៥ ខែកក្កដា ឆ្នាំ២០២០។
អ្នកទាំងអស់គ្នាអាចចូលរួមបង្ហាញពីគំនិតច្នៃប្រឌិតរបស់អ្នកក្នុងការឌីហ្សាញតួអក្សរ និងលេខខ្មែរ ទៅតាមតារាងប្រចាំថ្ងៃដែលបានកំណត់ដោយ Creative Community Cambodia ហើយផុសលើ Facebook របស់អ្នករួចប្រើ #hashtag ដូចខាងក្រោម៖
#45daysofkhmertype
#dayof_[តួអក្សរ/លេខ ជាភាសាឡាតាំង] (ឧទាហរណ៍: #dayof_KA)
#dayof_[តួអក្សរ/លេខ ជាភាសាខ្មែរ] (ឧទាហរណ៍: #dayof_ក)
#creativecommunitycambodia
ហើយអ្នកក៏អាចទទួលបានព័ត៌មានន្ថែមដោយចុច ត្រង់នេះ
